گرمی کے ستائے روزے داروں کو محکمہ موسمیات نے اچھی خبرسنادی۔ملک کے مختلف شہروں میں آج سے بادل برسیں گے۔
گرمی کے ستائے روزہ داروں کے لیے خوشخبری ہے ۔ہزارہ ،کشمیر،خطہ پوٹھوہار،اسلام آباد سمیت خیبر پختونخوا میں آج سے گرج چمک کے ساتھ بادل برسیں گے ۔اس دوران ملک کے بالائی علاقو ں میں پہاڑوں پربرفباری کا امکا ن ہے۔محکمہ موسمیات کے مطابق ملک کے بیشتر علاقوں میں موسم خشک اور ابر آلود رہے گا۔اس دوران وسطی ، جنوبی پنجاب اوربالائی سندھ میں آندھی اور گرد آلود ہوائیں چلنے کا امکان ہے۔محکمہ موسمیات کا کہنا ہے کہ آج ملک کے بیشتر علاقوں میں موسم گرم اور خشک جبکہ بالائی سندھ میں شدید گرم رہا تاہم شام اور رات کے اوقات میں شمال مغربی بلوچستان میں چند مقامات پر تیز ہواوں اور گرج چمک کے ساتھ بارش کا امکان ہے۔
