اسلام اباد کے شہریوں کے لئے عالمی معیار کی تفریحی سہولتوں کی فراہمی کا شاندار پلان تیار کرلیا گیا۔
اسلام آباد میں پاکستان کا سب سے زیادہ خوبصورت اور انٹرنیشنل سٹینڈرڈ کا پہلا چڑیا گھر و سفاری پارک بنے گا۔وفاقی وزیرداخلہ محسن نقوی نے چڑیا گھر و سفاری پارک پراجیکٹ کی اصولی منظوری دے دی ہے۔چڑیا گھر و سفاری پارک 200 ایکٹر اراضی پر مشتمل ہوگا۔مجموعی طور پر5 ہزارجانور اور پرندے وغیرہ چڑیا گھر و سفاری پارک میں رکھے جائیں گے۔پہلے مرحلے میں 2 ہزار جانور اور پرندے رکھے جائیں گے۔
وزیرداخلہ محسن نقوی نے چڑیا گھر و سفاری پارک کی ورلڈ ایسوسی ایشن آف زو اینڈ ایکوریم سے رجسٹریشن کرانے کی ہدایت دی ہے۔محسن نقوی کے مطابق اکتوبر میں چڑیا گھر و سفاری پارک کا سنگ بنیاد رکھا جائے گا۔چڑیا گھر و سفاری پارک سے اسلام آباد کی سیاحت میں اضافہ ہوگا۔یاد رہے کہ وفاقی وزیر داخلہ محسن نقوی کی زیر صدارت سی ڈی اے ہیڈکوارٹر میں اجلاس ہوا۔چڑیا گھر وسفاری پارک کے قیام کے حوالے سے تجاویز کا جائزہ لیاگیا۔
