اسلام آباد میں نیشنل سائبر کرائمز انویسٹی گیشن ایجنسی ( این سی سی آئی اے ) نے کارروائی کرتے ہوئے بچوں کی نازیبا تصاویر بنانے والے ملزم کو گرفتار کرلیا ۔
اسلام آباد: این سی سی آئی اے کے مطابق ملزم عبدالسمیع ولد عابد لطیف کو کھنہ پل اسلام آباد سے چھاپے کے دوران حراست میں لیا گیا، ملزم بچوں کو بہلا پھسلا کر جنسی عمل میں ملوث کر کے تصاویر بناتا تھا ۔
نیشنل سینٹر فار مسنگ اینڈ ایکسپلائیٹڈ چلڈرن ( این سی ایم ای سی) کی جانب سے 9 رپورٹس موصول ہونے پر کارروائی عمل میں لائی گئی ۔
ملزم نے نازیبا تصاویر اپنے جی میل اکاؤنٹ سے منسلک گوگل ڈرائیو میں محفوظ کر رکھی تھیں ۔
ملزم کے خلاف مقدمہ سیکشن 22 پیکا ایکٹ 2016 کے تحت درج کرلیا گیا ہے اور مزید تفتیش اور قانونی کارروائی جاری ہے ۔
