اسلام آباد ہائیکورٹ نے وفاقی ترقیاتی اداری سی ڈی اے کو اسلام آباد میں درختوں کی کٹائی سے روک دیا، عدالت نے سی ڈی اے، پاکستان انوائرمنٹل پروٹیکشن ایجنسی اور وزارت ماحولیاتی تبدیلی کو نوٹس جاری کردیا ۔
اسلام آباد ہائیکورٹ کے جسٹس خادم حسین سومرو نے شہری محمد نوید احمد کی جانب سے اسلام آباد میں درختوں کی کٹائی سے متعلق درخواست سماعت کی ۔
عدالت نے سی ڈی اے کو درختوں کی کٹائی سے روکتے ہوئے سی ڈی اے، پاکستان انوائرمنٹل پروٹیکشن ایجنسی اور وزارت ماحولیاتی تبدیلی کو نوٹس جاری کردیا ۔
عدالت نے تمام فریقین سے 2 فروری تک درخواست پر شق وار جواب اور تفصیلی رپورٹ طلب کرتے ہوئے کیس کی مزید سماعت ملتوی کردی ۔
