اسلام آباد ہائیکورٹ کے دو رکنی بنچ نے سنگل بنچ کا فیصلہ معطل کرتے ہوئے مظفرگڑھ کے حلقہ پی پی 269 میں الیکشن کروانے کا حکم جاری کر دیا ۔
اسلام آباد ہائیکورٹ کے جسٹس ارباب محمد طاہر اور جسٹس انعام امین منہاس پر مشتمل دو رکنی بنچ نے سنگل بینچ کا دوبارہ گنتی کا 15 مئی کا حکم معطل کر دیا ۔
جسٹس ثمن رفعت امتیاز نے حلقہ پی پی 269 میں دوبارہ گنتی کا حکم جاری کیا تھا جس کے بعد پیپلز پارٹی کے ایم پی اے علمدار عباس نے پنجاب اسمبلی سے استعفیٰ دے دیا تھا ۔
الیکشن کمیشن آف پاکستان نے علمدارعباس قریشی کے استعفیٰ دینے کے بعد سیٹ خالی قرار دی تھی ۔
