ایران ٹریفک حادثے میں جاں بحق ہونے والے 28 پاکستانی زائرین کی میتیں کو آج سکھر لایا جائے گا۔
ذرائع کے مطابق کمشنر سکھر فیاض عباسی نے کہا ہے کہ میتیں سی ون تھرٹی کے ذریعے سکھر ایئرپورٹ پر لائی جائیں گی،حادثے میں زخمی ہونے والے پندرہ افراد کو بھی میتوں کے ساتھ سکھر لایا جائے گا،زخمیوں اور میتوں کو ایمبولینسز کے ذریعے ان کے آبائی علاقوں میں لے کر جائے گئے۔
جاں بحق ہونے والے زائرین میں سے 10 کا تعلق لاڑکانہ، 3 کا قمبر شہداد کوٹ، 6 کا کشمور کندھ کوٹ، 2 کا جامشورو، ایک کا دادو، 4 کا خیرپور اور جبکہ دو کا تعلق کراچی سے ہے۔
کمشنر سکھر کے مطابق جاں بحق افراد میں کاشف علی، حبیب اللہ سومرو، وفا عباس، جاوید، آفاق احمد، عمران کلہوڑو، سلمی بیگم، مصطفیٰ، محسن علی اور زاہد سومرو کا تعلق لاڑکانہ سے ہے، منتظر مہدی، نسیم اختر اور رحمت خاتون کا تعلق قمبر شہداد کوٹ سے ہے۔
اس کے ساتھ ہی سعدیہ آزاد، کائنات، سیرت عباس، رستم علی، کریماں خاتون اور ریما جمیل کندھ کوٹ کشمور کے مکین تھے، نور محمد کھوسو اور پروین خاتون کا تعلق جامشورو اور ظہیر عباس کا تعلق دادو سے ہے،جبکہ آصف علی، رخسانہ پروین، اعجاز علی اور محمد بخش خیرپور کے رہاشی تھے جبکہ زرمینہ اقبال اور جمشید اقبال کا تعلق کراچی سے ہے۔یاد رہے کہ لاڑکانہ سے زائرین کو ایران لے جانے والی بس دو روز پہلے حادثے کا شکار ہوئی تھی جس میں 35 افراد جان کی بازی ہار گئے جبکہ 15 سے زائد افراد زخمی ہوگئے تھے۔
