بھارتی ریاست اتر پردیش کے شہر آگرہ میں بیوی نے اپنی شادی کے ایک ماہ بعد ہی طلاق کا مطالبہ کردیا، کیونکہ اس کا شوہر روز نہاتا نہیں تھا ـ
غیر ملکی خبر رساں ادارے کی رپورٹ کے مطابق ، نئی نویلی دلہن نے شوہر سے اس وجہ سے طلاق مانگی کیونکہ اس کا شوہر صفائی ستھرائی کا بلکل خیال نہیں کرتا تھا اور وہ کئی کئی دن نہاتا نہیں تھا ـ
رپورٹ کے مطابق ، خاتون نے اپنے بیان اپنے شوہر راجیش کے بارے میں بتایا ،کہ اس کا شوہر مہینے میں صرف ایک یا دو بار نہاتا ہے اور صفائی ستھرائی کا بلکل خیال نہیں رکھتا جس سے اس کے جسم سے بدبو آتی ہے ـ جو میرے لیے ناقابل برداشت تھی ، اس لیے اس خاتون نے شادی کے 40 دن بعد اس شادی سے چھٹکارا حاصل کرنے کا فیصلہ کیا۔
خاتون کے بیان کے مطابق ، راجیش ہفتے میں ایک بار گنگاجل خود پر چھڑکتا تھا ،جسے مقدس سمجھا جاتا ہے ـ لیکن شادی کے بعد اس نے صرف اپنی بیوی کے بہت زیادہ اصرار پر 40 دنوں میں 6 بار غسل کیا۔جو اس خاتون کے لیے ناقابل برداشت تھا ـاس کا کہنا ہے کہ اس کا شوہر روز نہیں نہاتا ـ
اس لیے خاتون نے طلاق کا فیصلہ کیا اور طلاق کی درخواست دینے کے بعد اپنے والدین کے گھر جانے کا فیصلہ کیا ـ البتہ والدین کی جانب سے بھی جہیز کا سامان واپس لینے کے لیے پولیس میں رپورٹ درج کرائی گئی ہے۔
