اسلام آباد میں ڈاکووں نے سینیٹ کے میڈیا ڈائریکٹر کو لوٹ لیا۔ یہ واقعہ اسلام آباد کے علاقے راول ٹاؤن میں پیش آیا جہاں سینیٹ کے میڈیا ڈائریکٹر اسد مروت اور ان کے اہل خانہ کو لوٹ لیا گیا۔ ذرائع کے مطابق اسد مروت نے تھانہ شہزاد ٹاؤن میں مقدمے کی درخواست دی ہے۔
در خواست میں کہا گیا ہے کہ سینیٹ کےمیڈیا ڈائریکٹر اسد مروت اپنے بھائی اور اہلخانہ کے ہمراہ راول ٹاؤن پہنچے تو موٹرسائیکل ملزمان نے روکا۔ درخواست کے مطابق ملزمان اسد مروت اور ان کے اہلخانہ سے 6 لاکھ روپے، موبائل فون اور دستاویزات چھین کر فرار ہوگئے۔
