چترال کی تاریخ میں پہلی بار سب سے کم عمر نوجونوں پر مشتمل ٹیم کاشقارٹریکر نے تین درو ں کو عبور کر لیا ۔ یہ تین درے، دار کھوت پاس ( 4703 میٹر) دروازہ پاس (4238 میٹر ) اور پیلینکی پاس (5291 میٹر) پر مشتمل تھے۔
اس مہم کو مکمل کرنے میں گیارہ دن لگے ۔ یہ ٹیم چترال سے روانہ ہوکر گیارہ دنوں میں بابا گندی مزار پہنچی ۔ یہ ٹیم پھیلینکی پاس سے ہوتے ہوئے بابا گنڈی چیپورسان، ہنزہ، گلگت پہنچی۔ اس دوران قاشقار ٹریکر کے کم عمر نوجوانوں نے چترال اور گلگت کے خوبصورت علاقوں کو نہ صرف تسخیر کیا بلکہ اعلیٰ فوٹوگرافی کے ذریعے اپنے ساتھ محفوظ بھی کیا۔
یہ تصاویر اور ویڈیوز لوگوں کے لئے نہ صرف تفریح کا سامان میسر کریں گے بلکہ ملکی اور غیر ملکی سیاحوں کی توجہ ان علاقوں کی طرف مبذول کرانے میں بھی اہم کردار ادا کریں گے ۔ ان سیاحوں کی آمد سے چترال میں معاشی بہتری بھی آئے گی اور قومی اور بین الا قوامی سطح پر چترال کا ایک اچھا امیج بھی اجاگر ہوگا۔
