لوئر چترال ٹاؤن بائی پاس روڈ پر پمپ میں آتشزدگی کا حادثہ پیش آیا۔
ذرائع کے مطابق پمپ میں آتشزدگی کے واقعے کے بعد ریسکیو 1122 کو فوری اطلاع دی گئی۔ ریسکیو1122 کی فائر فائٹرز ٹیم فائر وہیکلز کے ساتھ بروقت رسپانس دیتے ہوئے موقعے پر پہنچی اور پمپ میں کھڑی گاڑی پر لگی آگ پر بروقت قابو پا لیا۔
بروقت آگ پر قابو پانے کی وجہ سے بائی پاس بازار اور پمپ کو بڑی تباہی سے بچا لیا گیا ہے، ابتدائی معلومات کے مطابق پمپ میں کھڑی گاڑی پر نا معلوم وجوہات کی وجہ سے آگ پھڑک اٹھی تھی۔جس کے بعد ریسکیو1122 کی بروقت کارروائی سے بائی پاس بازار کو بڑی تباہی اور نقصان سے بچا لیا گیا ہے.
