اسرائیل کے وزیراعظم نیتن یاہو کی ذاتی رہائش گاہ پر لبنان سے حزب اللہ نے ڈرون حملہ کیا ہے۔
اسرائیلی میڈیا کے مطابق حزب اللہ نے ڈرون حملے میں اسرائیلی وزیراعظم نیتن یاہو کی قیساریا کے علاقے میں واقع ذاتی رہائش گاہ کو نشانہ بنایا گیا تاہم حملے کے وقت نیتن یاہو اور ان کی اہلیہ گھر میں موجود نہیں تھے۔
حکام کے مطابق ڈرون حملہ لبنان سے آج صبح کیا گیا۔ اسرائیلی وزیراعظم کے دفتر کی جانب سے جاری مختصر بیان میں حملے کی تصدیق کرتے ہوئے کہا گیا ہے کہ حملے میں کوئی زخمی نہیں ہوا، حملے کے وقت نیتن یاہو اور ان کی اہلیہ سارہ گھر میں موجود نہیں تھے۔
اسرائیلی حکام نے دعویٰ کیا ہے کہ تل ابیب کی طرف لبنان سے فائر کیے گئے 2 ڈرونز کو مار گرایا گیا ہے۔
