این ڈی ایم اے نے گلگت بلتستان اور کشمیر کے علاقوں میں آج اور کل شدید بارشوں کے باعث ممکنہ سیلابی صورتحال کا الرٹ جاری کر دیا، سیاح اور مقامی لوگ ممکنہ سیلابی صورتحال کے حوالے سے حساس علاقوں میں غیر ضروری سفر سے گریز کریں ۔
نیشنل ڈیزاسٹر مینجمنٹ اتہارٹی کے مطابق ممکنہ بارشوں کے نتیجے میں گلگت بلتستان کے علاقوں ہنزہ، گھانچے اور شگر میں اچانک سیلابی صورتحال اور ندی نالوں میں طغیانی متوقع ہے ۔
این ڈی ایم اے نے بتایا کہ کشمیر میں وادی نیلم، مظفرآباد، راولاکوٹ، پونچھ، ہٹیاں، باغ، حویلی، سدھنوتی، کوٹلی، بھمبر اور میرپور کے علاقوں میں بارشوں کے باعث سیلابی صورتحال متوقع ہے۔
ترجمان کا کہنا ہے کہ این ڈی ایم اے نے تمام متعلقہ اداروں کو ممکنہ خطرات کے حوالے سے بروقت آگاہی فراہم کر رہا ہے ۔
این ڈی ایم اے کی جانب سے تمام متعلقہ اداروں کو ممکنہ خطرات سے نمٹنے کے لیے پیشگی اقدامات اور تیاری کی ہدایت جاری کر دی گئی، سیاح اور مقامی لوگ ممکنہ سیلابی صورتحال کے حوالے سے حساس علاقوں میں غیر ضروری سفر سے گریز کریں ۔
