ہزارہ موٹر وے پر ٹویوٹا ہائی ایس کے الٹنے سے کم از کم چھ سیاح زخمی ہوگئے۔
ریسکیو کارکنوں اور پولیس کا کہنا ہے کہ ٹویوٹا ہائی ایس نمبر RIS 2014 کراچی سے سیاحوں کو لے کر سکردو سے واپس آرہی تھی کہ حطار انٹر چینج کے قریب الٹ گئی۔ جس کے نتیجے میں 5 خواتین سمیت 6 سیاح زخمی ہوگئے جبکہ باقی 6 کو معمولی چوٹیں آئیں جنہیں ہری پور ٹراما سینٹر سے ڈسچارج کردیا گیا۔ ڈاکٹروں اور پولیس حکام نے بتایا کہ زخمی ہونے والی پانچ خواتین میں سے ایک کو بعد ازاں ایوب میڈیکل کمپلیکس ایبٹ آباد منتقل کیا گیا۔
