ڈی پی او ہری پور فرحان خان کی ہدایت پر ہری پور پولیس کی جرائم پیشہ عناصر کے خلاف کاروائیاں جاری ہیں۔
ایس ایچ او تھانہ سٹی اعجاز علی نے ہمراہ نفری پولیس کے ساتھ کاروائی کو عمل میں لایا،اور خود کو پولیس افیسر ظاہر کرکے لوگوں کو نوکری کا جھانسہ دے کر جعل سازی کرنے اور مجرم اشتہاری کو پناہ دینے والا ملزم محمد رفیق ولد محمد اشرف سکنہ کلنجر حال محلہ بابو کو گرفتار کرلیا ہے۔ ملزم سے پولیس یونیفارم ، ہتھکڑی ، 02وائرلس سیٹ ،07 موبائل فونز ،ڈسچارج بک اور رقم مبلغ15 لاکھ 47 ہزار روپے برآمد کرلیے گئے ہیں ۔ملزم کے خلاف زیر دفعہ 216.170.171.419.420 تعزیرات پاکستان کے تحت مقدمہ درج رجسٹر کرلیا گیا ہے۔اس کے ساتھ ہی ملزم سے مذید تفتیش بھی جاری ہے۔
