وزیراعلیٰ خیبرپختونخوا علی امین گنڈا پور نے پیر کو ہری پور کے گورنمنٹ گرلز ہائیر سیکنڈری سکول میں آتشزدگی کے واقعہ کا نوٹس لے لیا۔
انہوں نے محکمہ تعلیم اور متعلقہ ضلعی انتظامیہ کو ہدایت کی کہ وہ واقعہ کی وجوہات کا تعین کرکے جلد رپورٹ پیش کریں۔ ریسکیو ٹیموں نے فوری اور بحفاظت تمام طلباء کو باہر نکالا۔ انہوں نے حکم دیا کہ آگ سے سکول کی عمارت کو پہنچنے والے نقصان کو فوری طور پر ٹھیک کیا جائے تاکہ تعلیمی سرگرمیوں کے تسلسل کو یقینی بنایا جا سکے۔ وزیراعلیٰ نے مستقبل میں ایسے واقعات کو روکنے کے لیے تمام تعلیمی اداروں کا جائزہ لینے کا بھی حکم دیا ہے۔
