پاکستان مسلم لیگ (ن) کے امیدوار برائے قومی اسمبلی راجہ جاوید اخلاص نے موہڑہ کنیال میں کارنر میٹنگ سے خطاب کیا۔
گزشتہ روز موہڑہ کنیال میں مسلم لیگ ن کے اراکین کے اعزاز میں کارنر میٹنگ کا انعقاد کیا گیا. جس میں مسلم لیگ ن کے امیدوار برائے قومی اسمبلی راجہ جاوید اخلاص اور صوبائی اسمبلی حلقہ پی پی 8 کے امیدوار چوہدری افتخار احمد وارثی نے شرکت کی۔ تقریب سے خطاب کرتے ہوئے چوہدری افتخار احمد وارثی نے حاضرین پر زور دیا کہ وہ اپنے بچوں کے خوشحال مستقبل کے لیے نواز شریف کے امیدواروں کو ووٹ دیں۔ ان کا مزید کہنا تھا کہ کہ نواز شریف کی قیادت میں ملک میں ترقی ہوئی ہے اور ووٹرز پر زور دیا کہ وہ قوم کی بہتری کے لیے مسلم لیگ (ن) کے امیدواروں کی حمایت کریں۔
عوام سے سوال کرتے ہوئے انکا کہنا تھا کہ آپ کے سامنے ریکارڈ موجود ہے۔ کیا اس سے پہلے ملک میں کوئی ترقیاتی کام نہیں ہوا؟ اپنا ووٹ ان لوگوں کو دیں جو ملک کی ترقی میں کردار ادا کریں۔ کارنر میٹنگ میں چوہدری رشید، راجہ ازرم، چوہدری ذوالفقار اور چوہدری سعید نے شرکت کی۔ رہنماؤں نے آئندہ انتخابات کے لیے مسلم لیگ (ن) کی حمایت کا باضابطہ اعلان کیا۔
