پشاور: اپنے ایک بیان میں گورنر خیبرپختونخوا فیصل کریم کنڈی نے کہا کہ اس وقت صوبے میں امن وامان کی صورتحال تشویش ناک ہے، آرمی چیف قیامِ امن کے لیے کردار ادا کریں،دہشت گردی کے خلاف جنگ میں پاک فوج کا کردار کلیدی ہے ۔
گورنر خیبرپختونخوا فیصل کریم کنڈی نے کہا ہے کہ افغان مہاجرین سے متعلق وزیراعلیٰ گنڈا پور کے بیانات ریاستی پالیسی سے انحراف ہیں ۔
انہوں نے وزیراعلیٰ علی امین گنڈا پورکے بیانات کو غیر ذمہ دارانہ اور قومی سالمیت پر سوالیہ نشان قرار دیتے ہوئے کہا ہے کہ سمندر پاکستانیوں کے حوالے سے آرمی چیف کے بیان کی مکمل تائید اور حمایت کرتا ہوں ۔
انہوں نے کہا کہ صوبائی حکومت امن و امان پر غیر سنجیدہ ہے، وزیراعلیٰ کے افغان مہاجرین سے متعلق بیانات ریاستی پالیسی سے انحراف ہیں، علی امین گنڈاپور کے غیر ذمہ دارانہ بیانات قومی سالمیت پر سوالیہ نشان ہیں ۔
گورنر خیبرپختونخوا فیصل کریم کنڈی کا مزید کہنا تھا کہ آرمی چیف کے بیان کی مکمل تائید کرتا ہوں، سمندر پار پاکستانی ہمارا فخر ہیں ۔
