گلگت( ندیم خان) علاقہ جوٹیال میں فائرنگ کا افسوسناک واقعہ سامنے آیا ہے جہاں ایک گھر کے اندر فائرنگ سے باپ بیٹا جاں بحق جبکہ 4 خواتین زخمی ہوئی ہیں ۔
فائرنگ کا واقعہ حیدریہ محلہ جوٹیال کے ایک گھر کے اندر پیش آیا ہے جہاں گزشتہ رات نامعلوم ملزمان نے گھر کے اندر گھس کر فائرنگ کی ہے ۔
فائرنگ کے واقعے میں ایک ہی گھر کی چار خواتین زخمی ہوئی ہیں جنہیں پی ایچ کیو ہسپتال منتقل کردیا گیا ہے ۔
اطلاع ملتے ہی پولیس جائے وقوعہ پر پہنچ گئی اور شواہد جمع کرکے تحقیقات کی جا رہی ہیں ، اس دوران پولیس نے 3 افراد کو گرفتار بھی کیا ہے ۔
فائرنگ سے زخمی ہونے والی ایک خاتون کی حالت تشویشناک بتائی جارہی ہے ۔
