غذر: پاک فوج اور ایس سی او کی جانب سے گلگت بلتستان کے علاقے گوپس میں فری لانسنگ ہب کا قیام عمل میں لایا گیا ہے۔
پاک فوج کی جانب سے گلگت بلتستان کے عوام کے لیے غذر میں ایک نایاب تحفہ پیش کیا گیا، ایس سی او کی جانب سے گورنمنٹ بوائز ہائی سکول گوپس میں فری لانسنگ ہب قائم کیا گیا۔
سکول کے پرنسپل عمر جان نے پاک فوج کے احسن اقدام کو سراہتے ہوئے کہا ہے کہ نوجوانوں کی ضروریات کو مد نظر رکھتے ہوئے ایک بہترین فری لانسنگ ہب بنایا گیا ۔
انہوں نے کہا کہ گوپس میں پہلی بار ایک ایسا فری لانسنگ ہب قائم ہوا ہے، جہاں بچے آن لائن بزنس، فری لانسنگ اور ڈیجیٹل مارکیٹنگ سیکھیں گے۔
عمر جان کا مزید کہنا تھا کہ ایسے فری لانسنگ ہب وقت کی اہم ضرورت ہیں، اس ہب کے ذریعے نوجوانوں کیلئے روزگار کے مواقع قائم ہوں گے، سکول کے بچوں کو اس ہب سے بہت کچھ سیکھنے کو ملے گا، ہم پاک فوج اور ایس سی او کے شکر گزار ہیں۔
