عام انتخابات کیلئے پولنگ کا وقت ختم جبکہ ووٹوں کی گنتی کا عمل شروع کردیا گیا ہے۔ پاکستان کی تاریخ کے سب سے بڑے انتخابات کے نتائج کا اعلان 6 بجے کے بعد ہو سکے گا۔
عام انتخابات 2024 کے لیے پولنگ کا آغاز صبح 8 بجے ہوا جو شام 5 بجے تک بغیر کسی وقفے کے جاری رہی‘ اس موقع پر سکیورٹی کے حوالے سے بھی خاص انتظامات کیے گئے تھے تاہم موبائل فون سروس معطل ہونے کی وجہ سے ووٹرز اور پولنگ ایجنٹس کو مشکلات کا سامنا کرنا پڑا جبکہ متعدد پولنگ اسٹیشنز پر ووٹنگ کا عمل دیر سے شروع ہونے کی شکایات بھی ملیں۔ عام انتخابات کے دوران قومی اور چاروں صوبائی اسمبلیوں کے 855 حلقوں کیلئے 882 خواتین اور 4 خواجہ سراو¿ں سمیت ملک کی تاریخ میں سب سے زیادہ امیدوار وں نے حصہ لیا جن کی تعداد 17 ہزار 816 بنتی ہے۔
پولنگ کے دوران مختلف شہروں میں لڑائی جھگڑے اور فائرنگ سے متعدد افراد زخمی بھی ہو گئے۔
