عوامی مسلم لیگ کے سربراہ اور سابق وزیر داخلہ شیخ رشید کی اڈیالہ جیل میں طبیعت خراب ہوگئی۔
یاد رہے کہ سابق وزیر داخلہ شیخ رشید کو پولیس نے 16جنوری کو 9مئی واقعات میں ضمانت خارج ہونے پر گرفتار کیا تھا۔ ان کے خلاف حساس ادارے کے دفتر پر حملے کا مقدمہ درج ہے۔ عدالت نے شیخ رشید کو جوڈیشل ریمانڈ پر اڈیالہ جیل بھیجا تھا ،جہاں جمعرات کی صبح ان کی طبیعت خراب ہوئی ۔جس پر انہیں راولپنڈی انسٹی ٹیوٹ آف کارڈیالوجی منتقل کیا گیا۔ذرائع کے مطابق راولپنڈی انسٹیٹیوٹ آف کارڈیالوجی میں شیخ رشید کا مکمل طبعی معائنہ کیا جائے گا ۔ ڈاکٹرز کے مشورے کے بعد ہی انہیں جیل منتقل کرنے کا فیصلہ کیا جائے گا
