گلگت: انسداد دہشت گردی کی عدالت میں سابق وزیر اعلیٰ گلگت بلتستان خالد خورشید کے خلاف سکیورٹی اداروں کو سنگین نتائج کی دھمکیاں دینے کے کیس کی سماعت ہوئی ۔
عدالت نے جرم ثابت ہونے پر خالد خورشید کو 34 سال قیدکی سزا اور 6 لاکھ روپے جرمانہ بھی عائد کردیا ۔
عدالت نے آئی جی پولیس کو حکم دیا کہ مجرم کو گرفتار کرکے جیل منتقل کیا جائے، عدالت نے مجرم کا شناختی کارڈ بلاک کرنے کا بھی حکم دیا گیا ۔
یاد رہےکہ سابق وزیراعلیٰ پر 26 مئی 2024 کو جلسے میں سکیورٹی اداروں اور چیف الیکشن کمشنر گلگت بلتستان کو سنگین نتائج کی دھمکیاں دینے کا الزام تھا ،مجرم کے خلاف انسداد دہشت گردی ایکٹ کے تحت سٹی تھانہ گلگت میں مقدمہ درج کیا گیا تھا۔
سابق وزیراعلیٰ خالد خورشید عدالتی کارروائی کے دوران عدالت غیر حاضر اور روپوش رہے ۔
