اسلام آباد: ایف آئی اے اینٹی کرپشن نے بڑی کارروائی کرتے ہوئے اربوں روپے کے پلاٹس کی جعلی الاٹمنٹس کے الزام میں وفاقی ترقیاتی ادارے (سی ڈی اے) کے پانچ افسران کو گرفتار کرلیا ۔
ایف آئی اے اسلام آباد سرکل کے مطابق گرفتارملزمان میں اصغرعلی،راجہ شعیب ملال، تیموراحمد،عنایت اللہ اورآفتاب احمد شامل ہیں ۔
گرفتار ملزمان سی ڈی اے میں اسسٹنٹ ڈائریکٹر اور ڈپٹی ڈائریکٹر کے عہدوں پر فائزہیں، ملزمان کی گرفتاری سپیشل جج سنٹرل اسلام آباد سےضمانت قبل از گرفتاری منسوخ ہونے پرعمل میں لائی گئی ۔
ملزمان نےسیکٹرز آئی 14 ، ڈی 13 اور ای 11 میں غیر قانونی طور پر تینتالیس پلاٹس الاٹ کئےتھے ، اس غیرقانونی الاٹمنٹس سے قومی خزانے کو تقریباً ایک ارب روپے کا نقصان پہنچا ۔
ایف آئی اے ذرائع کے مطابق گرفتار ملزمان سے عدالتی احکامات کے مطابق تفتیش کی جا رہی ہے ۔
