پولیس نے بتایا کہ شمالی گلگت بلتستان کے علاقے میں ایک سڑک حادثے میں پانچ سیاح جاں بحق اور ایک زخمی ہو گیا۔
علاقہ کی پولیس نے میڈیا کو بتایا کہ حادثہ وادی نلتر میں پیش آیا، جہاں سیاح سیر و تفریح کے بعد گھر واپس جا رہے تھے۔ سنہوا نیوز ایجنسی کی رپورٹ کے مطابق سیاحوں کی جیپ اس وقت گہری کھائی میں جا گری جب ڈرائیور نے پہاڑی علاقے میں خستہ حال سڑک پر گاڑی موڑنے کی کوشش کی ۔جاں بحق ہونے والے ایک ہی خاندان کے پانچ افراد تھے، زخمی افراد کو قریبی اسپتال منتقل کردیا گیا، جہاں اس کی حالت تشویشناک بتائی جاتی ہے۔
