کراچی: سندھ کے نجی سکولوں کے لیے فائر سیفٹی کے حفاظتی اقدامات لازمی قرار دے دیے گئے۔
تمام نجی سکولوں میں فائر الارم، سموک ڈیٹیکٹر اور فائر ایکسٹنگشرز کی تنصیب لازمی قرار دے دی گئی۔
سندھ حکومت نے نجی سکولوں کو فائر سیفٹی پروٹوکول پر فوری عمل درآمد کی ہدایت جاری کردی۔
ہدایات کے مطابق سکولوں میں ایمرجنسی راستے اور سیڑھیاں ہر وقت کھلی رکھی جائیں گی۔
نجی سکولوں میں سالانہ کم از کم دو مرتبہ فائر ڈرل لازمی ہوگی۔
سکولوں میں فائر ایویکیویشن پلان اور فلور میپس نمایاں مقامات پر آویزاں کیے جائیں گے۔
اساتذہ اور غیر تدریسی عملے کو فائر سیفٹی اور ابتدائی طبی امداد کی تربیت دی جائے۔
خصوصی بچوں اور دیگر کمزور طلبہ کے محفوظ انخلا کے لیے خصوصی انتظامات کیے جائیں گے۔
ہدایات دی گئی ہیں کہ سندھ کے نجی سکولوں میں ایمرجنسی کی صورت میں اسمبلی پوائنٹ مقرر کیا جائے۔
فائر سیفٹی ہدایات پر عمل نہ کرنے والے سکولوں کے خلاف کارروائی کی جائے گی۔
سکولوں میں بجلی کے نظام، لیبارٹریز اور کچن کی باقاعدہ جانچ کی جائے گی۔
ایمرجنسی کی صورت میں کلیئرنس ملنے تک سکول میں دوبارہ داخلے پر پابندی عائد ہوگی۔
اب اقدامات کا مقصد طلبہ اور عملے کی جان و سلامتی کو یقینی بنانا ہے۔
