ایف آئی اے کمپوزٹ سرکل ایبٹ آباد کی بڑی کارروائی، سمندر کے راستے شہریوں کو غیر قانونی یورپ بھجوانے میں ملوث عناصر کے خلاف انٹلیجنس بیسڈ آپریشن جاری۔ ڈی جی ایف آئی اے احمد اسحاق جہانگیر کی ہدایات پر انسانی سمگلنگ میں ملوث عناصر کے خلاف گھیرا تنگ کر دیا گیا۔خفیہ اطلاع پر کارروائی کرتے ہوئے افغان لینڈ روٹ ایجنٹ کو گرفتار کر لیا گیا۔ملزم کی شناخت افسر خان کے نام سے ہوئی جس کا تعلق افغانستان سے ہے۔
ملزم انسانی سمگلنگ میں ملوث بدنام زمانہ ایجنٹ قاری جان محمد کا بھائی ہے۔ ملزم شہریوں کو غیر قانونی سمندر کے راستے لیبیا سے یورپ بھجوانے میں ملوث ہے۔ ملزم کو ہری پور سے گرفتار کیا گیا ملزم کے موبائل سے سمندر کے ذریعے شہریوں کو یورپ بھجوانے سے متعلق شواہد برآمد کر لئے گئے جبکہ دیگر ملزمان کی گرفتاری کے لئے چھاپے مارے جا رہے ہیں۔۔
ڈائریکٹر پشاور زون کے مطابق یونان کشتی حادثے میں ملوث عناصر کے خلاف انٹلیجنس بیسڈ کریک ڈاون جاری ہے۔ ملزمان کی گرفتاری کے لئے خصوصی چھاپہ مار ٹیمیں تشکیل دی گئی ہے۔
