پاکستان سپر لیگ 11 کے پلے آف میچز میں بھی تماشائیوں کو سٹیڈیم آنے کی اجازت دے دی گئی ، اسحوالے سے چیئرمین پی سی بی نے وزیراعظم شہبازشریف سے ملاقات کی ، جس میں شائقین کو پلے آف میچز گراونڈ میں دیکھنے کی اجازت دی گئی ،ایونٹ کا کوالیفائر میچ کل کھیلا جائے گا، پشاور زلمی اور اسلام آباد یونائٹڈ کی ٹیمیں آمنے سامنے ہوں گی ۔
اسلام آباد: وزیرداخلہ اور چیئرمین پاکستان کرکٹ بورڈ (پی سی بی) محسن نقوی نے سماجی رابطے کی سائٹ ایکس پر وزیراعظم سے ملاقات کے بعد پی ایس ایل کے مداحوں کو خوشخبری سنائی ۔
امحسن نقوی کا کہنا تھا کہ وزیراعظم شہباز شریف سے ملاقات ہوئی، اور مجھے یہ بتاتے ہوئے خوشی ہو رہی ہے کہ ہم نے پی ایس ایل کے تینوں پلے آف میچز میں بھی عوام کی شرکت کے لیے ان کی منظوری حاصل کر لی ہے ۔
محسن نقوی نے لکھا کہ تماشائیوں کے سٹیڈیم آنے کے حوالے سے ایک شرط کفایت شعاری رکھی گئی ہے، تماشائیوں سے گزارش ہے وہ پبلک ٹرانسپورٹ استعمال کریں یا ایندھن کو کم سے کم استعمال کریں ۔
