وانا:ریسکیو حکام نے بتایا ہے کہ لوئر جنوبی وزیرستان کے صدر مقام وانا میں اعظم ورسک علاقے میں مسجد کی حدود میں دھماکہ ہوا ہے۔
ریسکیو حکام کے مطابق دھماکے میں مفتی اعجاز سمیت 2 افراد جاں بحق اور 5 زخمی ہوگئے ہیں ۔
زخمیوں کو علاج کے لیے ڈی ایچ کیو ہسپتال وانا منتقل کر دیا گیا، جبکہ ایک شدید زخمی مولانا شہزادکو ڈی آئی خان ہسپتال لے جایا گیا ہے۔
مقامی ذرائع کے مطابق دھماکے میں مولانا شہزاد کو نشانہ بنایا گیا،پولیس نے جائے وقوعہ سے شواہد اکھٹے کرکے مزید تحقیقات شروع کردیں ۔
