الیکشن کمیشن کی اعلی سطح کمیٹی نے سابق کمشنرراولپنڈی کے دھاندلی کے الزامات پر تحقیقات مکمل کرلیں۔
سابق کمشنر راولپنڈی لیاقت چٹھہ کے انتخابات میں دھاندلی کے الزامات کے معاملے پر الیکشن کمیشن کی اعلی سطح کمیٹی نیاپنی تحقیقات مکمل کرلیں۔ذرائع نے بتایا کہ الیکشن کمیشن کی تحقیقاتی کمیٹی کاآخری اجلاس آج ہوگا۔کمیٹی سابق کمشنرراولپنڈی کیالزامات پر رپورٹ کوحتمی شکل دے گی۔ذرائع کا کہنا تھا کہ کمیٹی اپنی تحقیقاتی رپورٹ آج الیکشن کمیشن کو پیش کرے گی۔ راولپنڈی ڈویژن کے تمام ڈی آراوز ،آر اوز کے بیانات بھی رپورٹ کا حصہ ہیں۔
راولپنڈی ڈویژن کے تمام ڈی آر اوز اور آر اوز نے دھاندلی کے الزامات کومسترد کردیا جبکہ کمیٹی نے راولپنڈی ڈویژن کے تمام 6ڈی آر اوز کیتحریری بیانات قلم بند کیے۔قومی اسمبلی کے13اور صوبائی اسمبلی کے 26آر اوز کے بیانات بھی قلم بند کیے گئے جبکہ الزامات کی پریس کانفرنس کے ٹرانسکرپٹ کو بھی تحقیقاتی رپورٹ کا حصہ بنایا گیا ہے۔واضح رہے کمشنر راولپنڈی لیاقت چھٹہ نے تہلکہ خیز انکشاف کیا تھا کہ انتخابی نتائج میں بد ترین دھاندلی ہوئی ہے۔ انہوں نے اعتراف کیا کہ میں راولپنڈی ڈویژن میں انتخابی دھاندلی کی ذمہ داری قبول کرتا ہوں اور اپنے آپ کو پولیس کے حوالے کرتا ہوں
