ای سی پی نے اسلام آباد میں 29 ستمبر کو بلدیاتی انتخابات کا اعلان کر دیا ہے۔
الیکشن کمیشن آف پاکستان (ای سی پی) نے اعلان کیا ہے کہ وفاقی دارالحکومت میں بلدیاتی انتخابات 29 ستمبر کو ہوں گے۔ای سی پی نے انتخابات کا شیڈول بھی جاری کر دیا ہے اور اس دوران اسلام آباد میں کسی بھی نئی ترقیاتی سکیم کے اعلان پر پابندی عائد کر دی گئی ہے۔ای سی پی کے مطابق امیدوار 16 سے 20 اگست تک کاغذات نامزدگی جمع کراسکتے ہیں، اسکروٹنی کا عمل 22 سے 26 اگست تک ہوگا۔اہم بات یہ ہے کہ اسلام آباد کی مقامی حکومت کی پانچ سالہ مدت فروری 2021 میں ختم ہوئی تھی اور قانون کے مطابق انتخابات تین ماہ کے اندر ہونے تھے۔
