پاکستان کرکٹ ٹیم کے ڈائریکٹر محمد حفیظ نے کہا ہےکہ دورہ آسٹریلیا کے دوران قومی ٹیم نےاچھی کرکٹ کھیلی ہے قومی ٹیم کے سابق کپتان بابر اعظم کو آرام دیا جا سکتا ہے لیکن اس سے پہلے یہ سوچنا ہوگا کہ وہ خود کیا چاہتے ہیں
پاکستان کرکٹ ٹیم کے ڈائریکٹر محمد حفیظ نے سڈنی میں پریس کانفرنس کرتے ہوئے کہا ہےکہ قومی ٹیم نےیہاں اچھی کرکٹ کھیلی ہے لیکن بعض لمحات ایسے تھے جن سے فائدہ نہیں اٹھایا جا سکا۔میلبورن ٹیسٹ میں کیچز ڈراپ ہونے کے باعث شکست کا سامنا کرنا پڑا،دورے کے دوران جو غلطیاں ہوئیں انہیں صیح کرنے کی ضرورت ہے۔
قومی ٹیم کے سابق کپتان بابر اعظم کے حوالے سے محمد حفیظ کا کہنا تھا کہ انہیں آرام دیا جاسکتا ہے ، اگر بابر اعظم کو اپنی ذہنی یا حکمت عملی طور پر کسی بھی مدد کی ضرورت ہو تو ہم ان کے لیے ہمیشہ موجود ہیں، یہ فرد پر منحصر ہے کہ وہ مدد مانگنے کے لیے تیار ہے۔انہوںمزید کہا ہے کہ بابر اعظم محنتی ہیں ، ٹریننگ بھی بھرپور کرتے ہیں لیکن انہیں ایک بڑی اننگ کی ضرورت ہے جس سے ان کا اعتماد بحال ہوگا۔ شاہین آفریدی نے بات کی مجھ سےاور آرام کا کہا تھا جس کی وجہ سے انہیں آرام دیا گیا ، ہم نہیں چاہتے کہ وہ ورک لوڈ کی وجہ سے انجری کا شکار ہوں۔واضح رہے کہ آسٹریلیا نے سڈنی ٹیسٹ میں پاکستان کو 8 وکٹوں سے شکست دے کر تین میچز کی سیریز میں وائٹ واش کردیا ہے۔
