دروش ایکشن فورم کے زیراہتمام آج بروز منگل صبح 9 بجے دروش چوک میں آل پارٹیز دروش اور سول سوسائٹی کے نمائندوں پر مشتمل کمیٹی نے دھرنے کا باقاعدہ آغاز کیا۔ دروش چوک کھچاکھچ بھر گیا۔اور دھرنے کی جگہ پہ تل دھرنے کو جگہ نہ رہی۔ تین دن تک صرف دھرنا ہو گا۔روڈ بلاک نہیں ہو گا۔
اسکے بعد دروش میں زیرو لوڈشیڈنگ اور ایس ڈی او واپڈا کے تبادلے تک احتجاج جاری رہے گا۔تین دن دھرنے کے بعد مطالبات منظور نہ ہونے کی صورت میں روڈ بلاک، شٹر ڈاؤن اور پہیہ جام ہڑتال ہو گا۔فی الحال دروش چوک میں دھرنا جوش وخروش سے جاری ہے ۔جو دن دو بجے تک جاری رہے گا۔
