اڈیالہ جیل میں پی ٹی آئی کے بانی عمران خان کے خلاف توہین الیکشن کمیشن کیس کی سماعت بغیر کارروائی کے 3 جنوری تک ملتوی کردی گئی۔
اطلاعات کے مطابق بانی پی ٹی آئی کے وکیل کاغذات نامزدگی کی اسکروٹنی کے باعث مصروف تھے ۔ ان کی عدم دستیابی کے باعث سماعت ملتوی کی گئی ۔ آج توہین الیکشن کمیشن کیس میں عمران خان اور فواد چوہدری پر فردِ جرم عائد ہونا تھی۔
دوسری طرف بانی پی ٹی آئی کے وکیل عمیر نیازی نے اڈیالہ جیل کے باہر گفتگو کرتے ہوئے کہا کہ سائفر کیس کے جج نہیں آئے، سماعت 2 دن کے لیے ملتوی ہوگئی ہے ، امید ہے القادر ٹرسٹ کیس میں دلائل آج مکمل ہوجائیں گے۔
مزید یہ کہ بانی پی ٹی آئی کے وکیل انتظار پنجوتھا نے بھی میڈیا سے گفتگو کرتے ہوئے کہا کہ ملک بھر سے اپنا ڈیٹا جمع کر کے الیکشن کمیشن میں جمع کرائیں گے، الیکشن کمیشن کے خلاف سپریم کورٹ میں توہین کی درخواست دی ہے اور امید ہے کل وہ سماعت کے لیے مقرر ہو جائے گی۔
