چیمپئنز ون ڈے کپ کی ٹیموں کے کپتانوں اور اسکواڈز کا اعلان کردیا گیا ہے۔اور تمام میچز کا شیڈول کا بھی مقرر کر دیا گیا ہےـ
ذرائع کے مطابق ،پاکستان کرکٹ بورڈ( پی سی بی) نے پریس ریلیز جاری کر دیا ،جس کے مطابق سعود شکیل کو ڈولفنز، شاہین آفریدی کو لائنز اور شاداب خان کو پینتھرز ، محمد حارث کو اسٹالینز اور محمد رضوان کو وولوز کا کپتان مقرر کیا گیا ہے ۔
اس کے علاوہ اس پریس ریلیز میں ہر ٹیم کے 20 رکنی اسکواڈ کا بھی اعلان کیا گیا ہے اور اسکواڈ کو ساری تفصیلات سے بھی آگاہی دی گئی ـ مزید یہ بھی بتایا گیا کہ اس اسکواڈ کو 10 ستمبر کو کم کرکے 15 رکنی اسکواڈ تک محدود کردیا جائے گاـ
چیمپئنز ون ڈے کپ 12 سے 29 ستمبر تک فیصل آباد میں کھیلا جائے گا جس میں ملک کے بہترین کرکٹرز شرکت کریں گے۔ 50 اوورز کا یہ ٹورنامنٹ سنگل لیگ فارمیٹ میں کھیلا جائے گا۔
چیمپئنز ون ڈے کپ کے تمام میچز کا شیڈول بھی مقرر کر دیا گیا ہے ،جس کے مطابق تمام میچ دوپہر 3 بجے شروع ہوں گے، سوائے ایک میچ کے جو 16 ستمبر کو لائنز بمقابلہ پینتھرز کے میچ کے جو صبح 9:30 بجے شروع ہوگا۔افتتاحی میچ 12 ستمبرکو وولوز اور پینتھرزکے درمیان کھیلا جائے گا۔
