گلوکاری کے انوکھے انداز سے مشہور ہونے والے چاہت علی خان اپنی پارٹی کی رجسٹریشن کے لیے الیکشن کمیشن پہنچ گئے۔
میڈیا سے گفتگو کرتے ہوئے چاہت فتح علی خان کا کہنا تھا کہ مجھے سیاست کا شوق ہے، پارٹی رجسٹریشن کے لیے الیکشن کمیشن آیا ہوں، پارٹی رجسٹر نہ ہوئی تو عدالت سے رجوع کروں گا۔ چاہت فتح علی خان کا مزید کہنا تھا کہ وہ لاہور کے قومی اسمبلی کے حلقہ این اے 128 سے بطور آزاد امیدوار انتخابات میں حصہ لیں گے، چاہت فتح علی خان نے کاغذات نامزدگی اپنے اصل نام کاشف رانا کے نام سے جمع کروائے تھے ۔گلوکار نے مزید کہا کہ سبزیاں اور پھل مہنگے نہیں ہونے چاہئیں، انتقامی سیاست کا خاتمہ کرنا چاہتے ہیں
