کراچی کے علاقے کلفٹن میں ایک تیز رفتار کار فٹ پاتھ پر سوئے ہوئے بے گھر افراد پر چڑھ دوڑی جس کے نتیجے میں چھ افراد زخمی ہوگئے۔
ریسکیو ذرائع کے مطابق حادثہ کراچی کے علاقے کلفٹن میں عبداللہ شاہ غازی کے مزار کے قریب پیش آیا جہاں ایک کار سڑک سے پھسل کر فٹ پاتھ پر سوئے ہوئے بے گھر افراد پر جا گری جس کے نتیجے میں 6 افراد زخمی ہوگئے۔زخمیوں کو ریسکیو ٹیموں نے جناح اسپتال پہنچایا۔ ادھر پولیس نے ڈرائیور کو موقع سے گرفتار کر لیا ہے۔
