(ہزارہ، مہر سیماب ): ہزارہ کے سیاحتی مقامات پر بیوروکریسی نے سرکاری ریسٹ ہاؤسز پر قبضہ کر رکھا ہے۔
وزیر سیاحت کے احکامات بھی ہوا کا جھونکا ثابت ہوئے، سرکاری رہائش گاہوں پر بیورو کریسی کی فیملیز قابض رہیں. صوبائی مشیر برائے سیاحت زاہد چن زیب کے احکامات صوبے کی بیوروکریسی نے پائوں تلے روند ڈالے۔ واضح رہے کہ مانسہرہ سمیت ہزارہ کے تمام سیاحتی علاقوں کے سرکاری ریسٹ ہاؤسز، گیسٹ ہاؤسز اور سرکاری رہائش گاہوں پر بیورو کریسی اور ان کی فیملیز کے قبضے ہو گئے ہیں۔ منہ زور بیوروکریسی نے تین چھٹیوں کو بھی ردی کی ٹوکری میں پھینک دیا ہے اور اتوار تک سیاحتی علاقوں میں پڑاؤ ڈالا ہوا ہے
