راولپنڈی ایس ایچ او تھانہ رت امرال راجہ سجاد کی زیر نگرانی انچارج چوکی رتہ سید عمران حیدر شاہ نے بڑی کاروائی کرتے ہوئے تعلیمی اداروں میں منشیات سپلائی کرنے والے سمگلر کو گرفتار کر لیا ۔
انچارج چوکی رتہ سید عمران حیدر شاہ نے بتایا کہ منشیات سمگلر کی شناخت مقصود عرف سودہ کے نام سے ہوئی ، ملزم سے 03کلو 300 گرام چرس برآمد ہوئی ہے ۔ان کا مزید کہنا تھا کہ منشیات سمگلر نے تعلیمی اداروں میں منشیات سپلائی کرنے کا انکشاف کیا ہے اور اس نے منشیات جڑواں شہروں میں سپلائی کرنا تھی، ملزم کے دیگر ساتھیوں اور سہولتکاروں کو بھی گرفتار کیا جائےگا۔ادھر ایس پی راول فیصل سلیم کی اور ڈی ایس پی سٹی سردار بابر نے انچارج چوکی سید عمران حیدر شاہ اور پولیس ٹیم کو شاباش دی ۔ایس پی راول فیصل سلیم کا کہنا تھا کہ ملزم کو ٹھوس شواہد کے ساتھ چالان عدالت کرکے قرار واقعی سزا دلوائی جائے گی ،نوجوان نسل کی رگوں میں منشیات کا زہر اتارنے والے قانون کی گرفت سے نہیں بچ سکتے۔
