بنگلادیش کی عبوری حکومت نے سابق وزیر اعظم شیخ حسینہ واجد کے بنگلہ دیش بدر کیے جانے کے دعوے کو مسترد کر دیا اور ساتھ ہی حسینہ واجد کو وطن واپس آنے کی پیشکش بھی کر دی۔
بنگلادیش کی وزارت داخلہ امور کے سربراہ محمد سخاوت حسین نے کہا ہے کہ حسینہ واجد کو ملک چھوڑنے کے لیے جبراً مجبور کیے جانے والی ساری باتیں بے بنیاد ہیں۔
سخاوت حسین کا کہنا تھا کہ شیخ حسینہ واجد اپنی مرضی سے بنگلہ دیش چھوڑ کر بھارت گئیں، ان پر کسی قسم کا کوئی دباو نہیں تھا، لیکن ہم ان کو وطن واپس آنے کی دعوت دیتے ہیں، وہ آئیں اور نئے لوگوں کے ساتھ پارٹی کو دوبارہ چلائیں۔
انھوں نے مزید کہا کہ حسینہ واجد بنگلہ دیش واپس آئیں لیکن کوئی ہنگامہ برپا نہ ہو، ہم کسی بھی سیاسی جماعت پر پابندی نہیں چاہتے۔
