اٹک پولیس کی ایک اور بڑی کارروائی، بین الصوبائی منشیات سمگلنگ کی کوشش ناکام بنا دی گئی، دو ملزمان گرفتار، بھاری مقدار میں چرس برآمد، پولیس نے خیبر پختونخوا سے پنجاب منشیات سمگل کرنے کی کوشش کو بروقت کارروائی کرتے ہوئے ناکام بنایا ۔
اٹک خورد کے علاقے سرچ پارک پر دورانِ ناکہ بندی پولیس ٹیم نے ایک مشکوک تیز رفتار رکشہ کو روکا، تلاشی کے دوران رکشے کی سیٹ کے نیچے خفیہ خانے سے 27 کلو 600 گرام چرس برآمد ہوئی ۔
گرفتار ملزمان کی شناخت عمر ولد بنات خان، سکنہ صدہ چھتپر ضلع کرم اور امجد علی ولد میر رحمان، سکنہ اکوڑہ خٹک ضلع نوشہرہ کے نام سے ہوئی ۔
ملزمان کے خلاف تھانہ اٹک خورد میں انسدادِ منشیات ایکٹ کے تحت مقدمہ درج کر کے تفتیش کا آغاز کر دیا گیا ہے ۔
ڈی پی او اٹک سردار موارہن خان نے کارروائی پر پولیس ٹیم کو شاباش دیتے ہوئے کہا ہے کہ منشیات فروشوں کے خلاف زیرو ٹالرنس پالیسی کے تحت سخت کارروائیاں جاری رہیں گی ۔
