آج سے مقبوضہ جموں و کشمیر کی اسمبلی کے نام نہاد انتخابات کا پہلا مرحلہ جاری ہے۔24 حلقوں میں پولنگ کا عمل ہو رہا ہے۔
ذرائع کے مطابق آج مقبوضہ جموں و کشمیر اسمبلی کے 90 حلقوں میں سے 24 حلقوں میں پولنگ جاری ہے جس کی وجہ سے 2 سو 19 امیدوار میدان میں ہیں،جن میں سات اضلاع میں سے 23 لاکھ 27 ہزار 580 افراد ووٹ دینے کے اہل قرار دیئے گئے ہیں۔
مقبوضہ جموں و کشمیر کے تین حلقوں ڈوڈا، رامبن اور کشتواڑ میں 8 نشستوں پر انتخابات کئے جارہے ہیں جبکہ اس کے ساتھ ہی آزاد کشمیر کے 4 اضلاع اننت ناگ، پلوامہ، شوپیاں اور کلگام کی 16 نشستوں پر بھی پولنگ ہو رہی ہے۔
ذرائع کے مطابق پولنگ کیلئے 14 ہزار افراد پر مشتمل عملے کو تعینات کیا گیا ہے، ووٹنگ کا عمل صبح 7 بجے سے شروع ہو گا،جو کہ شام 6 بجے تک جاری رہے گی۔
تقریبا ایک عشرے کے بعد ہونے والے ان ریاستی انتخابات میں بھارت نے 35 ہزار کشمیری پنڈتوں سے بھی ووٹ ڈلوانے کی تیاری کی ہے،یاد رہے کہ سابقہ اسمبلی میں بھارتیہ جنتا پارٹی اور پیپلز ڈیمو کریٹک پارٹی کی اتحادی حکومت بنی تھی۔
