ایشین ہاکی چیمپئنز ٹرافی کے سیمی فائنل میں میزبان چین نے سنسنی خیز مقابلے کے بعد قومی ہاکی ٹیم کو شکست دے کر فائنل میں اپنی جگہ بنا لی۔
چین میں کھیلے جا رہے ایشین ہاکی چیمپئنز ٹرافی کا پہلا سیمی فائنل پاکستان اور میزبان چین کے مابین کھیلا گیا۔
مقررہ وقت میں پاکستان اور چین کے درمیان میچ ایک ایک گول سے برابر رہا، تایم پاکستان 4 پنالٹی شوٹ آؤٹ ضائع کر کے فائنل کی دوڑ سے باہر ہو گیا۔
سیمی فائنل میں پاکستان کی طرف سے واحد گول احمد ندیم نے کیا۔
چین نے دوسری بار پاکستان ہاکی ٹیم کو شکست سے دو چار کیا ہے، اس سے پہلے 2006 کے ایشین گیمز کے سیمی فائنل میں بھی چین نے قومی ٹیم کو شکست دے کر فائنل کے لیے کوالیفائی کیا تھا۔
یاد رہے کہ چین ایشین ہاکی چیمپئنز ٹرافی کے فائنل میں پہلی بار پہنچا ہے۔
