راولپنڈی کے تھانہ پیر ودھائی کے اہم اور نسبتاً محفوظ سمجھے جانے والے علاقے خیابان سر سید میں اعوان مارکیٹ میں مسلح ڈکیتوں کا گلیوں میں گشت، دن دہاڑے عوام کو اسلحے کے نوک پر لوٹنے لگے۔ تفصیلات کے مطابق مسلح ڈاکووں نے خاتون صحافی کے فیملی ممبر سے موبائل فون اور نقدی چھینے کی کوشش کی اور ناکامی پر نوجوان پر گولیاں چلا دیں تاہم نوجوان نے بھاگ کر واردات ناکام بنا دی۔
واردات کی ناکام کوشش کے بعد ڈاکو فرار ہو گئے اور 15 پر کال کے باوجود تھانہ پیرودھائی پولیس موقع پر نہیں پہنچی۔ مقامی افراد نے تھانہ پیرودھائی کرائم فائٹر ایس ایچ او کی تعیناتی کا مطالبہ کر دیا۔ عوام کا کہنا ہے کہ تھانہ پیرودھائی میں سفارشی پولیس افسران کی تعیناتی سے علاقہ جرائم پیشہ عناصر کا گڑھ بن چکا ہے۔
