صیہونی فورسز فلسطینیوں کی نسل کشی سے باز نہ آئی ۔غزہ میں اسرائیلی فورسز کی بربریت آج بھی جاری ۔24گھنٹوں میں بمباری سے مزید 113فلسطینی شہید ہوگئے
صیہونی فوج نے امداد کے لیے قطاروں میں کھڑے فلسطینیوں پر حملہ کردیا جبکہ فلسطینیوں کے لیے غذائی امداد لے جانے والی اقوام متحدہ کی عالمی امدادی ایجنسی کے ٹرک پر بھی فائرنگ کی گئی۔اسرائیلی فوج کی بمباری سے غزہ میں شہدا کی مجموعی تعداد 27ہزار 480تک پہنچ گئی ہے۔ جبکہ 66ہزار 800افراد زخمی ہوچکے ہیں۔اسرائیلی فوج نے 2ہفتوں سے العمل ہسپتال کا مکمل محاصرہ بھی جاری رکھا ہوا ہے۔اڑتیس ہزار سے زائد عمارتیں کھنڈرات میں تبدیل ہوچکی ہیں۔غذائی اور پانی بحران کے بعد موسمی بیماریوں نے بھی سر اٹھالیا ہے۔
