ایرانی فوج کے اہلکار کی ساتھیوں پر فائرنگ کے نتیجے میں کم از کم 5فوجی جان سے گئے ۔
غیرملکی خبررساں ادارے کے مطابق فائرنگ کا واقعہ ایران کے صوبے کرمان میں فوجی اڈے پر پیش آیا۔ فائرنگ کے وقت اہلکار اپنے بیریکوں میں آرام کررہے تھے، تاحال واقعے کی وجہ معلوم نہیں ہوسکی۔ذرائع کے مطابق واقعہ کے بعد اہلکار فرار ہوگیا جس کی تلاش جاری ہے۔
یاد رہے کہ رواں ماہ کرمان میں بم دھماکوں کے نتیجے میں چرانوے افراد اجان سے گئے اورسو سے زائد زخمی ہوئے تھے ۔ان دھماکوں کی ذمہ داری دہشتگرد تنظیم داعش نے قبول کی تھی۔اس سے قبل 2022 میں ایک فوجی نے ملک کے جنوبی حصے میں واقع ایک پولیس اسٹیشن میں دوسرے فوجی اور تین پولیس اہلکاروں کو قتل کردیا تھا۔
