چترال میں امریکی شکاری نےکشمیری مارخورکا کامیاب شکارکرلیا، محکمہ جنگلی حیات کے مطابق امریکی شکاری نے ٹرافی ہنٹنگ پرمٹ 2 لاکھ 70ہزارڈالرمیں حاصل کیا ۔
چترال: مارخورکا شکار وائلڈ لائف ڈیپارٹمنٹ کی سخت نگرانی میں میں کیا گیا، محکمہ وائلڈلائف کے مطابق امریکی شکاری نے ٹرافی ہنٹنگ پرمٹ 2 لاکھ 70ہزارڈالرمیں حاصل کیا اور یہ رقم پاکستانی روپوں میں 7 کروڑ 56 لاکھ روپے بنتی ہے ۔
محکمہ وائلڈ لائف نے بتایاکہ 52 انچ سینگوں والےخوبصورت کشمیری مارخورکو 510 میٹر فاصلےسےنشانہ بنایاگیا، اس حوالے سے امریکی شہری نے اپنی شناخت ظاہر نہ کرنے کی خواہش کا اظہار بھی کیا ہے ۔
محکمہ جنگلی حیات کے مطابق مارخور کا شکار کمیونٹی بیسڈ ٹرافی ہنٹنگ پروگرام کےتحت کیا گیا اور اس ہنٹنگ پروگرام کی آمدن کا بڑا حصہ مقامی آبادی کی فلاح وبہبود پرخرچ کیا جائے گا ۔
محکمہ جنگلی حیات نے کہا کہ اس ہنٹنگ پروگرام کا مقصد جنگلی حیات کا تحفظ اور مقامی آبادی کو معاشی فوائد دینا ہے ۔
واضح رہے کہ 31 دسمبر کو بھی روسی شکاری نے بھی کشمیری مارخور کا کامیاب شکار کیا تھا اور شکارکا لائسنس68 ہزار امریکی ڈالرزمیں لیا تھا ۔
