لندن: پاکستانی نژاد برطانوی رکن پارلیمنٹ افضل خان نے کالعدم جوائنٹ عوامی ایکشن کمیٹی کے پرتشدد مظاہروں پر تشویش کا اظہار کرتے ہوئے ان کی شدید الفاظ میں مذمت کی ہے۔
افضل خان نے کہا کہ پرامن احتجاج ہر کسی کا بنیادی حق ہے لیکن پرتشدد مظاہروں کی کسی صورت اجازت نہیں دی جا سکتی۔
انہوں نے کہا کہ کالعدم جوائنٹ عوامی ایکشن کمیٹی کے پرتشدد احتجاج سے کشمیر کاز کو شدید نقصان پہنچتا ہے۔
برطانوی رکن پارلیمنٹ نے کشمیر کے عوام سے اپیل کی کہ وہ کالعدم جوائنٹ عوامی ایکشن کمیٹی کی طرف بالکل توجہ نہ دیں۔
افضل خان کا کہنا تھا کہ دشمن عناصر اپنے مفادات کے لیے ایسے گروہوں اور احتجاج کو استعمال کرتے ہیں۔
انہوں نے کشمیری عوام سے اپیل کی کہ وہ قانون کے دائرے کے اندر رہ کر کام کریں اور اپنی جدوجہد جاری رکھیں۔
