اسلام آباد :وفاقی وزیر مواصلات عبدالعلیم خان کی صدارت میں این ایچ اے منصوبوں کے حوالے سے اہم اجلاس ہوا.
اجلاس میں سیکرٹری مواصلات، چیئرمین این ایچ اے اور دیگر اعلیٰ حکام نے شرکت کی اور بریفنگ دی۔
وفاقی وزیر نے اجلاس میں سیالکوٹ-کھاریاں-راولپنڈی موٹروے پر کام تیز کرنے کی ہدایت کی۔
انہوں نے کہا کہ لاہور-سیالکوٹ موٹروے کو 4 لین سے بڑھا کر 6 لین کیا جائے گا۔
سیالکوٹ-کھاریاں اور کھاریاں-راولپنڈی موٹروے بھی 6 لین میں بنیں گی۔
انہوں نے صوبائی حکومتوں کے منصوبوں میں تاخیر پر عدم اطمینان کا اظہار کیا اور کہا کہ پشاور ناردرن بائی پاس کے لیے کے پی حکومت کا پانچ ماہ انتظار کیا گیا، اب مزید انتظار نہیں کیا جائے گا۔
اگر کے پی حکومت فنڈز فراہم نہ کرے تو وفاقی حکومت خود منصوبے کی تکمیل کرے گی۔
انہوں نے کہا کہ صوبوں کی غیر دلچسپی کے باعث این ایچ اے خود ادھورے منصوبوں کی تکمیل کرے گا اور مون سون شروع ہونے سے پہلے فائنل فیز والے تمام منصوبے مکمل کیے جائیں۔
وفاقی وزیر مواصلات نے تمام منصوبوں کی فزیبلٹی 100 فیصد درست رکھنے اور کام میں تیزی لانے کی ہدایت کی۔
