ایبٹ آباد ( مہر سیماب) ڈپٹی انسپکٹر جنرل آف پولیس ہزارہ ناصر محمود ستی و کمشنر ہزارہ فیاض علی شاہ نے دس محرم الحرام جلوس روٹس کا دورہ کیا اور سیکیورٹی انتظامات کا جائزہ بھی لیا ۔
اس موقع پر انہوں نے علماء، امن کمیٹی عہدیداران، اہل تشیع اکابرین و میڈیا نمائندگان سے ملاقات بھی کی، ڈی پی او ایبٹ آباد عمر طفیل و ڈی سی ایبٹ آباد کیپٹن(ر) ثناء اللہ خان کی جانب سے سیکیورٹی انتظامات کے حوالے سے بریفنگ دی گئی ۔
ڈی آئی جی ہزارہ ناصر محمود ستی نے اس موقع پر ڈیوٹی پر مامور افسران و جوانوں کو بہترین ڈیوٹی سر انجام دینے پر شاباش دی ۔
علماء، امن کمیٹی عہدیداران، اہل تشیع اکابرین اور میڈیا نمائندگان سے بات چیت کرتے ہوئے ڈی آئی جی ہزارہ نے کہا کہ ہزارہ پرامن علاقہ ہے جس میں علماء کرام، امن کمیٹی اور صحافی برادری کا بھی کلیدی کردار ہے، جس پر آپ سب مبارکباد کے مستحق ہے ۔
انہوں نے کہا کہ آئندہ بھی اس امن کی فضاء کو قائم رکھنے کیلیے ہم سب مل کر اپنا مثبت کردار ادا کرتے رہیں گے اور شرپسند عناصر اور فرقہ واریت پھلانے والے عناصر کر جڑ سے خاتمہ کیا جائے گا ۔
