ایبٹ آباد میں پولیس نے فوری کارروائی کرتے ہوئے بیوی کو قتل کرنے والا ملزما ایک گھنٹے کے اندر گرفتار کرلیا، ملزم کے خلاف مقدمہ درج کرکے مزید کارروائی شروع کردی ۔
ایبٹ آباد: ضلعی پولیس سربراہ عمر طفیل کی زیر قیادت پولیس کا جرائم پیشہ عناصر کے خلاف کریک ڈاون جاری ہے، پولیس نے کارروائی کرتے ہوئے بیوی کو قتل کرنے والا مبینہ ملزم وقوعہ کے ایک گھنٹے کے اندر گرفتار کرلیا ۔
پولیس کا کہنا ہے کہ تھانہ کینٹ کی حدود خٹک میرا سلہڈ میں شوہر نے بذریعہ پستول فائرنگ کر کے اپنی بیس سالہ بیوی کو قتل کر دیا جس کی لاش کو ایبٹ آباد ڈی ایچ کیو ہسپتال پہنچایا گیا جہاں پوسٹ مارٹم کے بعد لاش ورثاء کے حوالے کر دی گئی ۔
پولیس کے مطابق مقتولہ کی والدہ کی مدعیت میں ملزم حمزہ ولد صابر جو مقتولہ کا شوہر ہے کو گرفتار کر کے ملزم کے خلاف زیر دفعہ 302 مقدمہ درج کر لیا گیا ۔
پولیس کا مزید کہنا ہے کہ واردات کی وجہ میاں بیوی کے درمیان ناراضگی تھی ، مقتولہ گزشتہ 11/12 دنوں سے گھر سے ناراض ہو کو اپنے ماں باپ کے گھر گئی تھی اور گزشتہ روز ہی واپس آئی ۔
